Dita Ndërkombëtare të Sindromës Down
Sot, shënuam 21 Marsin, Ditën Ndërkombëtare të Sindromës Down, në mënyrë të veçantë dhe frymëzuese. Bashkë me fëmijët, organizuam një seri aktivitetesh në zyrë dhe jashtë saj .
Filluam ditën duke vizatuar, ngjyrosur dhe luajtur me lojra formuese në hapsirat e Handikosit. Pastaj, bashkë me fëmijët u nisëm drejt parkut të qytetit për të vazhduar aktivitetet argëtuese në lojërat e parkut.
Por aktiviteti ynë nuk përfundoi këtu! Sot shënohet edhe Dita Ndërkombëtare e Pyjeve, kështu që ne ju bashkëngjitëm organizatës “Gjethi” për të mbjellë fidane frutore në qytet dhe për të diskutuar rëndësinë e mbrojtjes së mjedisit dhe rolin tonë si pjesë e komunitetit për të u kujdesur për natyrën dhe për të mbrojtur biodiversitetin.
Sot ishte një ditë e mrekullueshme e përkushtuar për bashkëpunim, diversitet dhe mbështetje. Së bashku, treguam solidaritet dhe përkushtim për të ndihmuar në krijimin e një bote më të ndërgjegjshme dhe më të bashkuar. 